Фотобайқауға қатысуға шақырамыз

Кең байтақ қазақ даласының қойнауы табиғи байлықтарға, алуан түрлі өсімдік түрлеріне аса бай. Соның бірі – көктем шыға көздің жауын алып, қырларда құлпырып, жайнайтын қызғалдақ гүлі. Тамаша қызғалдақ гүлінің біздің жерімізде 34 түрі кездеседі. Оның 12-сі эндемикалық, яғни, тек қазақ жерінде ғана өсетін түр болып саналады. Осыдан болар, Қазақстанның «Қызғалдақтың отаны» аталуы. Елбасының «Ұлы даланың жеті қыры» атты  мақаласында да қызғалдаққа да айшықты орын берілген. Аудан әкімдігінің ұйымдастыруымен қызғалдақ бейнеленген фотосуреттерге #Қазақстан_қызғалдақ_отаны#Казахстан_страна_тюльпанов#Kazakhstan_country_of_tulips  хэштэгімен интернет флэшмоб өткізіледі.

Осыған сәйкес табиғи құндылығымыздың бірі – «қызғалдақ» гүлімен бейнеленген фотосуреттеріңізді «Сарқан» газетінің редакциясына және аудан әкімдігінің электронды поштасына  жолдауға болады.

Үздік фотолар түрлі басылымдарда жарияланады және әлеуметтік желілерге орналастырылатын болады.

Редакцияның мекен-жайы:  041500, Сарқан қаласы, Тәуелсіздік көшесі № 117. Телефон: 2-20-47, 2-23-53,  е-mail:igiman01@mail.ru, gz_politika@mail.ru.