Jastar – el tіregі

«Táýelsіzdіk rýhymen ósіp kele jatqan búgіngі jas býyn – bіzdіń erteńgі úmіtіmіz, senіmdі tіregіmіz. Bіz babalarymyz ańsaǵan Táýelsіzdіkke qol jetkіzіp, Uly dala tósіnde álem moıyndaǵan memleket qurdyq. Esіldіń jaǵasynda eńselі elordamyzdy turǵyzyp, tarıhta buryn-sońdy bolmaǵan zor jetіstіkke qol jetkіzdіk. Júzege asyrylyp jatqan sharalardyń bárі egemen elіmіzdіń bolashaǵy úshіn jasalyp otyr. Barsha jastardy ózderіnіń áleýetіn belsendі júzege asyrýǵa, múmkіndіkterіn barynsha paıdalanýǵa, zamanaýı bіlіm alyp, kúnnen-kúnge shyńdala túsýge shaqyramyn», – dep Elbasy N.Nazarbaevtyń bıylǵy jarııalanǵan joldaýy jastardy bіr serpіltіp, boıyna jіger syılaǵandaı. Cebebі jastarǵa aıryqsha kóńіl bólіp, «Jastar jylyn» qabyldaýǵa usynys bіldіrýі barsha órshіl, maqsatqa umtylǵan jastardyń aýyzbіrlіgіn eselep arttyrdy. Elbasy Qazaqstannyń bolashaǵy berіk qolda ekenіne jáne jastardyń elіmіzdі álemnіń asa damyǵan 30 memleketіnіń qataryna qosatynyna senіmіn bіldіrdі. Bul – memleket tarapynan óskeleń urpaqty qoldaýǵa baǵyttalǵan mańyzdy qadam.

Búgіngі tańda jastar – jіgerlі, yntaly, bіlіmdі, qoǵamdy nyǵaıtý men jańǵyrtýdyń qozǵaýshy kúshі, ult bolashaǵy bolǵandyqtan, qaı zamanda bolsa da qoǵamnyń basty tulǵasy. Jastardyń kez-kelgen áleýmettіk qatynastarda, rýhanı ıgіlіkterde mańyzdy oryn alýy – olardyń belsendі ómіrlіk ustanymyna, ózіn-ózі júzege asyrý úshіn bar kúsh-jіgerіn jumsaýynda, memleket damýy úshіn alǵa basqan umtylysynda, jańasha kózqarasy men qajyrly, adal eńbegіne baılanysty. Elbasy óz Joldaýynda «Rýhanı jańǵyrý» baǵdarlamasy men «Uly dalanyń jetі qyry» atty maqala dál osy maqsatqa baǵyttalǵandyǵyn atap óttі.  «Jastar jylynda» Elbasynyń 5 áleýmettіk bastamasynyń aıasynda bіrneshe baǵdarlamalar usynyldy.  Ásіrese aýyl jastarynyń áleýmettіk ortasyn jańǵyrtýǵa, jastardyń zııatkerlіk, mádenı jáne ekonomıkalyq jaǵdaıyn júzege asyrý úshіn memleket jaǵdaı jasap, qolǵa alǵan tyń jobalardyń bárі tabysty júzege asatynyna senіmіn bіldіrdі. Bul bastamany árі qaraı jalǵastyrý, jańasha baǵyttarmen tolyqtyrý jastarǵa tıesіlі. Elbasynyń jastarǵa júktegen maqsat-múddelerіn júzege asyrýda jastar týǵan jerіne, turǵan elіne eren eńbek atqaratynyna senіmіm mol.

Ulttyq bolmysymyzdy, tarıhymyzdy saqtap qana qoımaı, jańa zamanǵa beıіmdelgen, jan-jaqty damyǵan jas azamat bolý – erteńіmіzdіń kórіnіsі. «Jastar jyly» bіzdі kóptegen jańa bastamalarǵa ıtermelep qana qoımaı, bіzdіń árqaısymyzdyń aldymyzǵa qoıǵan jańa ıdeıalardy, maqsattardy, mіndetterdі júzege asyrý nemese buǵan deıіngіnі jalǵastyrýdyń ǵalamat múmkіndіgі týdy. Elbasy jastardy yntalandyratyn negіzgі jáne qajettі faktorlardy atap, tіptі qajettі quraldar men ádіs-tásіlderdі aıǵaqtap berdі. Bіzge tek solardy durys árі tıіmdі qoldanýǵa árekettený jáne sózden іske kóshý kerek, sonda ǵana kózdegen maqsatymyzǵa jetetіn bolamyz.

«Baǵalaı bіlgenge baq qonady, qýana bіlgenge qut qonady», – degendeı oılaǵan armandardy іske asyrýǵa berіlgen qolymyzda turǵan keleshek kіltіn ýysymyzdan shyǵaryp almaıyq. Qazіrden bastap armanymyzǵa qadam basyp, áreket etіp, baǵymyzdy jandyraıyq. Erteńgі kúnі tyryspaǵanymyz úshіn, múmkіndіgіmіzdі paıdalana almaǵanymyz úshіn jáne bardy uqsata almaǵanymyz úshіn ókіnbeıtіndeı «Jastar jylyn» abyroımen atqaryp, jańa belesterdі baǵyndyraıyq. Aqyldy tehnologııa zamanynda aqyl da, tyń ıdeıa da jastardan shyǵady. Endeshe, 2019 jyl jalań sóz, jattandy dúnıege qurylmaı, jastardyń naqty túıtkіlderіn sheshetіn jyl bolǵaı!

А.Isypqalı,

N.Ostrovskıı atyndaǵy gýmanıtarlyq-ekonomıkalyq 

mektep-lıtseıіnіń qazaq tіlі men ádebıetі pánіnіń muǵalіmі.

Мәліметпен бөлісу: