Республика күні – еліміздің басты және жалғыз ұлттық мерекесі



1990 жылы 25 қазан күні ҚазКСР жоғарғы кеңесінің қаулысымен Қазақ КСР мемлекеттік егемендігі туралы декларация қабылданды.
Бұл декларацияның қабылдануы еліміздің тәуелсіздігін алуға деген үлкен қадамдардың бірі болып есептеледі. 5 жылдан кейін, яғни 1995 жылы 18 қазанда ҚР Президенті Жарлығымен 25-қазан Қазақстан Республикасының Ұлттық мерекесі – Республика күні болып жарияланды.
Сондықтан, елімізде Республика күні ұлттық мереке болып белгілену жайдан жай емес, ол дегеніміз еліміздің құрылуындағы ең маңызды күн екенің белгісі.
Ұлттық мереке еліміздің жастарының Отанға деген патриоттық сезімін оятып, өз тарихымызды, еліміздің қазіргі тәуелсіз, егеменді ел қатарына қосылудағы өткен талай қиындықтарын еске түсіріп тұрады деген ойдамыз.
Қазақ елі бұл күнге онайлықпен жеткен жоқ, оны біз тарихтан жақсы білеміз және ол туралы келер ұрпақ ұмытпаса екен.
Осы қан мен тердің көмегімен келген егемендігімізді сақтап қалу және елімізді көркейту болашақ ұрпақтын қолында. Барша Қазақ елін осы Ұлттық меркемізбен шың жүректен құттықтаймыз. Сіз бен біз болып, еліміздің көркейуіне, егемендігіміздің берік болуына ат салысып, болашақ ұрпаққа өнеге бола білейік.
Сіздерді, Республикамыздың әр азаматы үшін айтулы – тәуелсіздік күнімен құттықтаймыз.
Еліміздің жалынды жастары бастарын бәйгеге тігіп, бодандық құсауынан шығуға ұмытылған қыршын ерліктері бүгінгі Тәуелсіз Еліміздің жарқын істерімен жалғасын табуда. Бостандық пен еркіндіктің бастауы болып табылатын осы салтанатты күні Сізге, игілік пен бақыт, бақ-дәулет, ырыс тілеймін.
Қазақстанның тұрақты дамуы мен кемелденуі жолындағы еңбектеріңіз табысты, барлық бастамаларың сәтті болсын. Еліміздің мәртебесі биіктеп, әлемге шарықтай беруіне деген ыстық ықыласымды жеткіземін. Дәулеті, жеріміздің сәулеті жолындағы істеріңіз табысты болсын!
Бұл күн – ата бабамыз аңсаған арманның жүзеге асқан, елімізге еркіндік сыйлаған Ұлы күн. Осындай маңызы бар тарихи думанда еліміздің туы асқақтап, келешегі өркейе берсін.
Сіздерге, мықты денсаулық отбасыларыңызға бақыт, сәтті күндер, зор жетістіктер тілеймін.

Қазақстан Республикасы Бас прокуратурасының
Құқықтық статистика және арнайы есепке алу жөніндегі комитетінің


Жетісу облысы бойынша Департаментінің бастығы
аға әділет кеңесшісі
Төребеков Айдын Болатұлы

Мәліметпен бөлісу: