Сыдықов Тұрсын 80ж толуына орай өткен іс- шара

«Сарқан ауданы әкімдігінің аудандық кітапханасы» коммуналдық мемлекеттік мекемесінің 2021 жылы Сыдықов Тұрсын 80ж толуына орай өткен іс- шара

АҚПАРАТЫ

Сарқан аудандық кітапханасы “Туған жерге тағзым” бағдарламасы, “Өлкетану” клубы аясында Сарқан өңірінің тумасы Сыдықов Тұрсын Сыдықұлының 80-жылдық мерейтойы қарсаңында профессордың еңбектеріне арналған виртуалды көрмені көпшілік оқырмандарына ұсынады.
Тұрсын Сыдықов– филология ғылымдарының докторы, профессор, Қазақстан педагогикалық ғылымдар академиясының академигі, Қазақстан Республикасының білім беру ісінің құрметті қызметкері, тұңғыш президентіміз Н. Назарбаевтің арнайы алғыс хатының иегері.

1941 жылы Алматы облысы Сарқан ауданының Бақалы ауылында туған. 1959 жылы мектепті алтын медальмен бітірді. 1965 жылы Абай атындағы ҚазПИ-дің тарих-филология факультетін үздік дипломмен бітірген. Қапал ауданында оқу ісінің меңгерушісі, мектеп диекторы, аудандық партия комитетінде нұсқаушы, облыстық мұғалімдер білімін жетілдіру институтында кабинет меңгерушісі қызметтерін атқарып, 1975 жылы ҚазПИ-дің аспирантурасына қабылданады. 1978 жылы кандидаттық, 1997 жылы докторлық диссертатциясын қорғаған. 1978 жылдан 2002 жылға дейін Абай атындағы Ұлттық педагогикалық университетте ассистенттен прфессор дәрежесіне дейін көтеріліп, жауапты қызметтерді атқарған. 2002 жылы І. Жансүгіров атындағы Жетісу мемлекеттік университетіне ауысып келіп кафедра меңгерді, 2007 жылдан 2016 жылға дейін «Ілиястану» ғылыми-зерттеу орталығының жетекшісі болды.

Оның «Мұрат пен», «Қазақ тарихы романы», «Қазақ тарихи романының көркемдік тілі», «Өңінде тұлпар мінгендер», «Талант тағлымы», «Ізгілік сабағы» атты кітаптары жарық көрген. Профессор С. Мақпыровпен бірігіп колледжге арналған екі бөлімнен тұратын «Қазақ әдебиеті» оқулықтарын жазды, «Қазақ әдебиеті» хрестоматиясын шығарды. 700-ден астам ғылыми-зерттеу мақалалардың авторы. Жуықта ғана ЖМУ-дың тікелей демеушілігімен «Қазақ тарихи романының поэтикасы» деген көлемді еңбегі жарық көрді.

Лайк –46 , комментарии –2 , оқырмандар – 72.

https://www.instagram.com/p/CStJ7aKCsTm/?utm_source=ig_web_copy_link

Мәліметпен бөлісу: