Мемлекеттік рәміздер — бұл тек көркем бейнелер ғана емес, сонымен бірге мемлекеттік тәуелсіздікті іске асыру идеяларының жаршысы. Қазақстандық мемлекеттік рәміздер бір-бірімен өзара тығыз байланысты. Бір-бірін ішінара толықтыратын рәміздер республиканың тұрақтылық негіздері ретінде ҚР азаматтарын және халықаралық қоғамдастықтарды қабылдауда тұтастықты көрсетеді. Әр түрлі елдердің тұрғындары өздерінің мемлекеттік рәміздерімен заң бойынша мақтанады. Бірақ өзінің туған елінің елтаңбасы, туы мен әнұранының қандай екенін ғана біліп қоймай, олардың маңызын түсіну керек. Ал ол үшін олардың тарихы туралы, мемлекеттік рәміздер қалай пайда болғаны жайлы және ғасырлар бойы қандай жолдан өткенін білу аса маңызды.

Әсіресе ресми салтанаттарда Қазақстанның әнұранын орындаған кезде қатысушылар орындарынан тұрып, оң қолын жүрек тұсына қояды. Қазақстан Республикасының жаңа Мемлекеттік әнұран мәтінінің мазмұны және көңілді сазы адам жүрегінде патриоттық сезімдерді оятады.
Қазақстан рәміздері — егемендік және тәуелсіздіктің, халық бірлігі мен биліктің даусыз айғағы болып табылады. Олар қазақстандық демократияның мемлекеттік идеясын, жалпы адамзаттық құндылықтар мен гуманистік идеалдарға ұмтылуын айқындайды. Біреуді мемлекеттік рәміздерді мақтаныш етуге мәжбүрлеу қиын, бірақ әрбір азамат өзін елдің патриоты деп санаса, оларды білу және құрметтеу қажет.

Сондай-ақ Қазақстанда мемлекеттік рәміздер ерекше статусқа ие және заңмен қорғалады. Оларды дұрыс пайдаланбаған жағдайда ірі көлемде айыппұл төлеуге тура келеді.

Мемлекеттік рәміздер әрқашан заңның қорғауында. 2007 жылы Қазақстанда мемлекеттік рәміздерді ту, елтаңба мен әнұранды орынсыз пайдалануға тыйым салатын заңнамалық норма қолданыла бастады. Аталған заңда  рәміздерді қолдану шарттары және анықталған бұзушылықтар үшін тиісті жазалар нақты көрсетілген. 

Былтыр қаңтар айында мемлекеттік рәміздерді қорлағандарға қолданылатын жаза күшейтілді. Қылмыстық кодекстің 372-бабына өзгеріс енгізіліп, нәтижесінде айыппұл көлемі, жазалыларды қоғамдық жұмыстарға тарту сағаты артты. Туған жерге, өскен елге деген мақтаныш пен сүйіспеншілік мемлекеттік рәміздерді құрметтеуден басталады. Ендеше мемлекеттілігіміздің басты нышандары – мемлекеттік рәміздерді әрқашан құрмет тұтып, мақтан етейік.

Өз тілшіміз.