Сарқан қаласы тұрғындарының назарына

Қазақстан Республикасы Тәуелсіздік күніне орай «Еркін елдің ертеңі» тақырыбында Қазақстан Жазушылар
одағының мүшесі, ақын Жомарт Игіман атындағы көркемсөз оқу шеберлерінің байқауы

Мектеп оқушылары арасындағы көркемсөз оқу шеберлерінің байқауы Тәуелсіздік күніне арналады.
Байқаудың мақсаты
Жомарт Игіман шығармашылығын жастар арасында насихаттап, ақынның туындылары арқылы жас ұрпақты адамгершілікке, ұлттық рухқа, отансүйгіштікке тәрбиелеу.
Байқаудың ережесі
Байқау 2022 жылғы желтоқсанның 8-інде аудандық Мәдениет үйінде өтеді. Байқауға қатысушылар ақынның туған жер, туған ел, Қазақ елінің табиғаты, болмыс-бітімі, т.б. патриоттық тақырыптағы бір өлеңін жатқа оқиды.
Қазылар алқасы әр мектептен іріктеуден өткен көркемсөз оқушылардың шеберлігін сарапқа салып, жүлделі үш орынның және ынталандыру сыйлықтарының жеңімпаздарын айқындайды.
Талапкерлердің мәтінді таңдау талғамына, оқу шеберлігіне, дауыс мәнері мен тіл тазалығына, сахнада өзін ұстауына баса мән беріледі.
Мектеп әкімшіліктері байқауға қатысушылар туралы мәліметті (аты-жөні, мектебі, сыныбы, өлең тақырыбы) желтоқсанның 1-іне дейін аудандық ішкі саясат, мәдениет және тілдерді дамыту бөліміне тапсыру керек.
Анықтама үшін 2-18-82.

Аудандық ішкі саясат, мәдениет және тілдерді дамыту бөлімі.