Текелі қаласында орналасқан ҚР ҰҚК Шекара қызметі Жетісу облысы бойынша департаменті Панфилов ауданы бойынша шекара басқармасына қарасты Оқу-жаттығу үйрету кавалериялық тобында «Заң мен Тәртіп» тақырыбында тәрбиелік-маңызға ие іс-шара ұйымдастырылды.
Шараның негізгі мақсаты – шекара қызметінің жас жауынгерлері мен шекара сақшылары арасында заң талаптарын қатаң сақтау, әскери тәртіп пен ішкі тәртіпті нығайту, құқықбұзушылықтың алдын алу бағытында түсіндіру жұмыстарын жүргізу болды.
Іс-шара барысында бөлім басшылығы мен лауазымды тұлғалар сөз сөйлеп, заңға бағыну мен әскери антқа адалдықтың маңыздылығына тоқталды. Сондай-ақ шекарашылардың құқықтық сауаттылығын арттыруға бағытталған әңгіме-дәрістер жүргізіліп, сұрақ-жауап түрінде пікір алмасу ұйымдастырылды.
Шара соңында жеке құрамға Отан алдындағы қасиетті борышын абыроймен атқаруға, Отан қорғаушылардың айбынды дәстүрін сақтауға үндеу жасалды.

ҚР ҰҚК Шекара қызметі Жетісу облысы бойынша депаратаменті