Жыл сайын ел көлемінде өткізілетін жақсы дәстүр «Бүкілқазақстандық ағаш отырғызу күні» акциясына сарқандықтар да өзіндік үлестерін қосты. Игілікті шара аясында жалпы аудан бойынша жоспарға сәйкес 5000 мың түп ағаш көшеттері құнарлы топыраққа қондырылса, аудан орталығындағы «Қазақ хандығына 550 жыл» саябағына 450 түп әртүрлі жасыл өскіндер отырғызылды. Ортақ іске мекеме-бөлім басшылары мен қызметкерлері бір кісідей жұмылып, өңіріміздің жасыл желекпен көмкерілуіне игі ықпал етті.

Сондай-ақ, елді мекендерді көктемгі тазалық айлығы аясындағы абаттандыру, көгалдандыру, күл-қоқыстан арылту жұмыстары өз жалғасын табуда. Бір ғана шаһарымызды шырайландыру шараларына мекеме, кәсіпорын қызметкерлері, тұрғындар көптеп жұмылдырылып, шарбақтар сырланып, ағаштар әктеліп, арық-атыздар тазаланып, көше бойларындағы қоқыстар шығарылды.

Өз тілшіміз.