Президент тапсырмаларын орындау аясында инвестициялық жобаларға құқықтық сүйемелдеу қамтамасыз етілді. Прокурорлар экономикаға 25 трлн теңгеден астам қаражатын инвестициялаған шамамен 2 мың инвесторға көмек көрсетті.

Қадағалау және үйлестіру шараларының нәтижесінде бизнеске қатысты басталған қылмыстық істердің саны екі есе қысқарды.
Бұл бағыттағы жұмыс Инвесторлардың құқықтарын қорғау жөніндегі комитетінің құрылуымен жаңа деңгейге көтеріліп, ол инвестициялық қауіпсіздікті және тұрақты экономикалық өсімді қамтамасыз етудің жүйелі құралына айналады.