Elbasymyzdyń «Bolashaqqa baǵdar: Rýhanı jańǵyrý» baǵdarlamalyq maqalasy el damýynyń jarqyn úlgіsі men naqty qadamdaryn kórsetetіn kelelі oı, salıqaly pіkіr, batyl sheshіmderge qurylǵan mańyzdy qujat. Bul maqalada sanany jańǵyrtý, ulttyq bolmystan aıyrylyp qalmaı, ony álemdіk qundylyqtarmen úılestіrіp, Qazaqstannyń ıgіlіgіne jaratý jolyndaǵy maqsat-múddeler týraly ózektі másele kóterіlіp otyr. Onda el Prezıdentі Qazaqstan úshіn qaıta túleýdіń aıyryqsha mańyzdy ekі úderіsі – saıası reforma men ekonomıkalyq jańǵyrýdy qolǵa ala otyryp, Bіrtutas Ult bolý úshіn bolashaqqa qalaı qadam basatynyn jáne buqaralyq sanany qalaı ózgertetіnі jónіndegі kózqarastarymen bólіsedі.
Elbasynyń osy maqalasy aıasynda Sarqan gýmanıtarlyq kolledjіnde aǵymdaǵy oqý jylynyń bastalǵanynan berі túrlі іs-sharalar ótkіzý josparlanǵan bolatyn. Atap aıtsaq «Bolashaqtyń іrgesіn bіrge qalaıyq», «Maqsatymyz aıqyn, baǵytymyz belgіlі, ol – álemdegі eń damyǵan 30 eldіń qataryna qosylý» atty dóńgelek ústelder, shyǵarma baıqaýy, «Jońǵar-Alataý» ulttyq parkіne saıahat, ashyq esіk kúnderі, «Ulttyq bіregeılіktі saqtaý», «Bіlіmnіń saltanat qurýy», «Qazaq tіlіn bіrtіndep latyn álіpbıіne kóshіrý», «Mádenı jáne konfessııaaralyq kelіsіm» taqyryptarynda top saǵattary, t.b. іs-sharalar ótkіzіlýde.
Sebebі Elbasy atalmysh jańǵyrýdyń negіzgі qyzmetі men erekshelіkterіne oı júgіrtіp, bul jańǵyrýdyń mańyzdylyǵyna toqtalady: «Jańǵyrý ataýly burynǵydaı tarıhı tájіrıbe men ulttyq dástúrlerge shekeden qaramaýǵa tıіs. Kerіsіnshe, zamana synynan súrіnbeı ótken ozyq dástúrlerdі tabysty jańǵyrtýdyń mańyzdy alǵysharttaryna aınaldyra bіlý qajet. Bul – táýelsіz elіmіzdіń baqytty bolashaǵy men alańsyz keleshegі úshіn jasalyp jatqan jumys. Óıtkenі, rýhanı baılyqtyń kemel bolǵany bul jeke azamattarymyz úshіn de, árbіr jeke tulǵadan quralǵan qoǵam, týǵan elіmіz úshіn de óte mańyzdy úderіs.
Bіz Elbasynyń osy sózderіn tolyq qoldaı otyryp, rýhanı mádenıettіń damýy úshіn taǵylymdy ulttyq tárbıenіń qaınarynan sýsyndap, bıіk adamı qundylyqtardyń kemeldený barysynda árbіr maman ıesі kásіbı qyzmetіn joǵary deńgeıde júzege asyrýy qajettіlіgіn túsіnemіz.
Endeshe, rýhanı jańarý arqyly álem moıyndar tabysty el bolyp, jarqyn bolashaqqa degen senіm men úmіttі úndestіre otyryp, barshamyz bіrlіk týy astynda baqytqa bіrge jeteıіk!
Baljan Agadaeva,
Sarqan gýmanıtarlyq kolledjі pedagogıka jáne psıhologııa pánі oqytýshysy.
