Жуырда әскери қайраткер, армия генералы, Кеңес Одағының Батыры, Қазақстан Республикасының тұңғыш қорғаныс министрі, «Халық қаһарманы» Сағадат Қожахметұлы Нұрмағанбетовтың 95 – жылдығына орай аудандық кітапханада Сарқан аудандық қорғаныс істері жөніндегі бөліммен бірлесе «Өмірі оның – ерліктің үлгісі» атты тақырыпта диверсимент кеші өтті. Аталмыш шараға аудандық қорғаныс істері жөніндегі бөлім басшысы, подполковник Талғат Әлсейітов, қаламыздағы білім ошақтарының алғашқы әскери дайындық пән ұстаздары,  политехникалық және гуманитарлық колледж білімгерлері қатысты.

Шара барысында ҚР Қарулы күштерінің ардагері, запастағы капитан Серкебай Станбеков және аудандық ауған соғысы ардагерлер ұйымының төрағасы Ерболсын Тоғжігітов Ұлы Отан соғысының ардагері Сағадат Нұрмағанбетовтың өмірін өнеге тұтуға үндеп, жастарға қасиетті Отанымызды қорғау жайында өз ой-пікірлерін айтып өтті. Библиограф Лаура Құлымбетова  тау тұлғаға арналған көрмені таныстырып, туындыларға шолу жасап өтті. Кеш соңында әскери қайраткер жайында видеоролик көрсетілді.

Өз тілшіміз.