Мемлекет басшысы Қасым-Жомарт Кемелұлы Тоқаевтың Қазақстан халқына арнаған «Жаңа жағдайдағы Қазақстан: Іс-қимыл кезеңі» атты Жолдауында мемлекеттік бақылауға балама ретіндегі қоғамдық бақылау институтын қолдай отырып, тиісті құқықтық негіз қалыптастыру қажеттігін айтқан еді. Бұл тұста, мемлекеттік органдар жұмысының деңгейін арттыру, мемлекеттік қызметтердің сапасын көтере отырып, бизнес пен халық-қа жеңілдетілген және жедел қызмет ұсыну – бүгінгі күннің басты міндеттерінің бірі.

Бұл бағытта жұмысты жандандыру мақсатында аудан әкімдігі жанынан 2021 жылы 12 наурыздағы №66 қаулысы негізінде қайта құрылған арнайы мониторингтік топ мүшелері мемлекеттік көрсетілетін қызметтердің сапасын арттыруды бақылау және қолжетімділікті қамтамыз ету бойынша «Сарқан аудандық білім бөлімінің Ы.Алтынсарин атындағы орта мектебі» коммуналдық мемлекеттік мекемесінде және «Сарқан аудандық білім бөлімінің Акын Сара атындағы орта мектебі» коммуналдық мемлекеттік мекемесінде талдау жұмыстарын жүргізді.

Талдау барысында мүмкіндігі шектеулі адамдардың мемлекеттік көрсетілетін қызметтерді алуы кезінде оларға қажетті жағдайлар жасау талаптарына аса көңіл бөлінді. Топ мүшелерімен мемлекеттік көрсетілетін қызметтердің сапасын арттыру бойынша түсіндіру жұмыстары жүргізіліп, тиісті ұсыныстар берілді. Талдау барысында орын алған кемшіліктерді орнына келтіру үшін белгілі мерзім беріліп, талдау парақшалары толтырылып мекемелердің өкілдеріне тапсырылды.

Ж. ЖОМАРТҰЛЫ