Қазақстан Тәуелсіздігінің 30 жылдығына орай Талдықорғанда тағы бір заманауи бассейннің салтанатты ашылуы өтті. Ілияс Жансүгіров атындағы Жетісу университетінде арнайы спорт нысаны салынды. Оның ерекшелігі-мұнда жүзудің барлық түрлерінен шұғылдануға болады. Мүмкіндігі шектеулі азаматтар үшін де жағдай жасалған. Көпті қуантқан шараға
Алматы облысы әкімінің орынбасары Батыржан Байжұманов та арнайы қатысты. ЖОО-ның жаңа бассейнінің ашылуымен және жиналған қала тұрғындарын құттықтады.

«Бұл Елбасының салауатты өмір салтын насихаттау, бұқаралық спортты дамыту, дене шынықтыру мен жоғары жетістіктер спортын қолдау жөніндегі тапсырмасы мен ел Президентінің Жолдауын іске асырудағы маңызды үлес. Мемлекеттік қолдаудың арқасында Жетісу университеті студенттерінің жан-жақты дамуына барлық жағдай жасалған. Бүгінде ЖОО — да 6 мыңнан астам студент білім алуда, оның ішінде 450 студент облыс әкімінің білім беру гранты аясында оқып жатыр. Болашақта сіздер жақсы маман болып, еліміздің дамуына үлес қосасыздар деп сенемін. Бүгін ашылған спорт нысаны қазақстандық спорт пен Жетісу университеті жастарының игілігі үшін ұзақ әрі табысты қызмет ете берсін», — деді Батыржан Байжұманов.
Жабық бассейннің жалпы ауданы 1677,7 шаршы метрді құрайды. Бассейн тостағанының мөлшері 25 және 11 м. Су жаңа нысан құрылыс талаптары мен санитарлық-эпидемиологиялық стандарттарға сәйкес салынған және жабдықталған. Бассейнге жеке кіреберіс, ерлер мен әйелдерге арналған киім ауыстыру бөлмелері, душ, жұмысшылар мен жаттықтырушыларға, нұсқаушыларға арналған қонақ бөлмелері, спорттық жабдықтарды сақтауға және жууға арналған арнайы бөлме бар.

Жетісу университетінің ректоры атап өткендей, университет студенттері мен қызметкерлері белгіленген кесте бойынша бассейнге еркін кіре алады.
«Біздің университеттің студенттері мен оқытушыларының көптеген тосқан арманы орындалды. Алматы облысының әкімі Амандық Баталовқа біздің университетке және жалпы білім беру саласына ерекше көңіл бөлгені үшін ерекше алғысымды білдіремін. Дені сау ұрпақ қана биіктерге жете алатынын атап өткім келеді, сондықтан бізге осындай керемет сыйлық — заманауи, барлық қажетті жабдықтармен жабдықталған бассейн жасалды. Барлық оқушылар мен оқытушылар құрамы жүзу нысанына еркін қол жеткізе алады», — деп бөлісті Жетісу университетінің ректоры Қуат Баймырзаев.
Өткен жылы басталған бассейн құрылысына 310 млн теңгеден астам қаражат жұмсалды.

Айта кету керек, бұл облыс орталығында биыл ашылған екінші бассейн. Елорда күніне орай жетісулықтарға 570 орындық Олимпиялық үлгідегі орталық жүзу бассейні пайдалануға берілген еді.