А.ж. 19 тамызда Құқықтық статистика және арнайы есепке алу жөніндегі комитеті бейнеконференция байланысы арқылы жаңа реттеушілік саясатты енгізу, бизнеске қойылатын артық талаптарды қысқарту, сондай-ақ мемлекеттік бақылауды автоматтандыру мәселелері бойынша жұмыс кеңесін өткізді.

Кеңес жұмысына орталық мемлекеттік және жергілікті атқарушы органдардың, «Атамекен» Ұлттық кәсіпкерлер палатасының өкілдері, сондай-ақ Комитеттің аумақтық басқармаларының басшылары қатысты.

Жұмыс барысында «таза парақтан» реттеуді енгізу аясында кәсіпкерлік саласындағы жаңа тәсілдер талқыланды.

Атап айтқанда, Мемлекет басшысының тапсырмасын орындау аясында мемлекеттік органдар бизнеске қойылатын талаптарды қысқарту және мемлекеттік бақылау процесін автоматтандыру бойынша ауқымды жұмыс жүргізуде. Бұл бақылаушы органдардың жұмысын жеңілдетуге, сондай-ақ бизнес субъектілеріне әкімшілік жүктемені азайтуға мүмкіндік береді.

«Атамекен» Ұлттық кәсіпкерлер палатасының өкілдері кәсіпкерлерге қойылатын талаптарды қысқарту бойынша қызметтің түрлі салаларындағы жұмыс туралы хабардар етті. Төтенше жағдайлар министрлігінің өкілдері тәуекелдерді басқару жүйесін автоматтандыру бойынша жұмыс тәжірибесі туралы баяндады.

Қазіргі таңда Комитет мемлекеттік органдар жүзеге асыратын бақылау мен қадағалаудың барлық нысандарының үйлестірушісі болып табылады.

Сонымен қатар, Кәсіпкерлік кодекстің жаңа талаптары қаралды, оған сәйкес тәуекелдерді басқарудың автоматтандырылған жүйесі болмаған жағдайда мемлекеттік органдар бақылаудағы субъектілердің жалпы санының 5% — ын ғана тексерумен қамти алады.

Бұл норма 2023 жылғы 1 қаңтардан бастап қолданылады.

Комитет, тексерулердің үйлестіруші ретінде, жиналыстың қорытындысы бойынша осы бағыттағы жұмысты жандандыру жөнінде бірқатар ұсынымдар берді. Оның ішінде құрылған сәттен бастап 3 жыл өтпеген шағын және микрокәсіпкерлік субъектілерін қоспағанда, бақыланатын бизнес субъектілерінің тізілімдерін құру қажеттігі туралы айтылды.

Осы тұрғыда кеңеске қатысушылар мемлекеттік бақылауды реттеу және жетілдіру жөніндегі алдағы жоспарлар туралы пікір алмасып, жаңа реттеушілік саясат жағдайында бақылау өкілеттіктерін жүзеге асыру бойынша іс-шараларды әзірледі. ​

Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті