Жуырда дәрігерлер қауымы өздерінің кәсіби мерекелерін атап өтті. Осыған орай өткен аптада орталық «Жастар» саябағында ақ халаттыларды ардақтап мерейлерін өсірген салтанатты  шара болып өтті. Салтанат шымылдығын аудан әкімі Ерғазы Қошанбеков құттықтау сөз сөйлеп ашып,  халыққа қалтқысыз қызмет етіп, анттарына адалдық танытып жүрген бір топ денсаулық саласының өкілдеріне алғыс хаттар табыстап, сый-сияпат көрсетті.

Ауданымыздың өсіп-өркендеуіне өзіндік үлестерін қосып жүрген жандарды аудандық мәслихат хатшысы Қадыр Абдрахманов, аудандық ардагерлер кеңесінің төрағасы Қадыл Жанасбеков, аудандық орталық аурухана бастауыш ардагерлер ұйымының төрайымы Роза Алиева құттықтап, ізгі тілектерін ортаға салды. Шара соңында мәдениет үйі қызметкерлерінің күшімен концерт қойылып, мереке ажары айшықтала түсті.

Өз тілшіміз.