Жалпы соңғы екі жылда заңсыз шығарылған активтерді қайтару бойынша жүргізілген жұмыстың нәтижесінде олигополия субъектілерінен 1,3 трлн теңгеден астам қаражат өндірілді. Оның ішінде мемлекет кірісіне 1 трлн 76 млрд теңге сомасында ақшалай қаражат пен мүлік қайтарылды.

Аталған қаражат есебінен еліміздің барлық өңірлерінде 434 әлеуметтік және коммуналдық нысанның құрылысы аяқталды және жалғасуда. Оның ішінде 227 сумен жабдықтау нысаны, 183 медициналық мекеме, сондай-ақ 11 білім беру, 5 спорт және 8 инфрақұрылымдық нысан бар.

Олардың 200-ден астамының құрылысы толық аяқталды, атап айтқанда: 140 медициналық, 66 сумен жабдықтау, 2 спорт және 2 білім беру нысаны.

Олигополия субъектілерімен жалпы сомасы 5 трлн теңгеден асатын инвестициялық және әлеуметтік жобаларды іске асыру туралы келісімдер жасалды.