Бүгін Жетісу облысынан су тасқынан зардап шеккен Батыс Қазақстан облысының тұрғындарына гуманитарлық көмек жіберілді. Осы күні жалпы сомасы 40 миллион теңге болатын 85 тонна азық-түлік, киім-кешек және тұрмысқа қажетті заттар жөнелтілді.

Су тасқынынан зардап шеккендерге қаржылай жәрдем де көрсетілуде. Мәселен, кәсіпкерлер қаржылай демеушілік жасаса, мемлекеттік қызметкерлер бір күндік еңбекақысын арнайы есепшоттарға аударған, оның жалпы сомасы 150 миллион теңге болды. Сондай-ақ құрылыс жұмыстарына қажетті 1000 тонна цемент жіберіледі.

«Жұмыла көтерген жүк жеңіл», — демекші Жетісулық жерлестеріміз тілсіз жаудың құрсауында қалған отандастарға қажетті заттар тасып, ерекше белсенділік танытты. Жанашырлық танытқан тұрғындардың қарасы көп болды. 3 ауыр жүк көлігі Батыс Қазақстан облысына жеткізілетін болады» — дейді «АМАNAT» партиясы Жетісу облыстық партия филиалының төрағасы Арын Арыстанғали Қадырұлы.

Еске салсақ, «AMANAT» партиясының өңірдегі филиалдарында және «Жетісу жастары» ғимаратында жалпы саны 10 қабылдау пункті ашылған болатын.