Қазан айының 10 күні аудандық ауыл шаруашылығы, жер қатынастары бөлімдерінің, ветеринариялық және өсімдік шаруашылығы инспекциясының ұйытқы болуымен осы ауыл шаруашылық саласында әр жылдары қызмет істеген ардагерлермен «Жетісу» мейрамханасында дастархан жайылып кездесу өткізілді.

Кездесуге аудан әкімінің орынбасары Арман Мұханов, аудандық ардагерлер ұйымының төрағасы Қадыл Жанасбеков, аудандық кәсіподақ комитетінің төрайымы Гүлнар Мұханова сөз сөйлеп, зейнет демалысына шықса да қол қусырып отырмай ауданның тыныс-тіршілігіне өз үлестерін қосып келе жатқандарын айта келе мерекелерімен құттықтады. Ауыл шаруашылығы саласында әр жылдары қызмет істеген еңбек ардагерлері Аманжол Шонжикенов, Қанат Маманбаев,  Мейрам Сарбасов, Сая Чиносилова, Наталья Красноперова қызықты әңгімелерін айтып, кездесуді  ұйымдастырып отырған бөлім басшыларына алғыстарын білдірді.

Кездесу сәнін аудандық мәдениет үйінің қызметкерлерінің қарттарға арналған ән, күйлері әсерлендіріп қызықты өтуіне өз үлестерін қосты.  Кездесу соңында әр ардагерлерге сыйлықтар және ескерткіш суреттер тапсырылды.

Игілік Юсупов,

аудандық ауыл шаруашылығы

ардагерлер  ұйымының төрағасы.