«Nur Otan» партиясы Сарқан аудандық филиалында сайлауалды штабының салтанатты түрде ашылу жиыны өтті. Жиынға кандидаттар сондай-ақ, партияның сенім білдірген өкілдері, штаб мүшелері қатысты. «Nur Otan» партиясы сайлау науқанында қызмет атқаратын штаб мүшелігіне 11 адам тағайындалса, 30 адам сайлау учаскелеріндегі сенімді өкіл болып бекітілді. Жасақталған 90 сенімді өкілдің тізімі қалалық сайлау комиссиясына тіркеліп, куәліктері алынды. Сондай-ақ аудандық штаб үгіт-насихат кезеңінде қызмет ететін 66 еріктілермен толықты. 11 желтоқсаннан бастап штаб қызметкерлері үгіт-насихат кезеңінің жұмыстарын бастады. Штаб  төрағасы Аслан Кубентаев өз сөзінде әрбір кандидаттың белсенділігін арттыра отырып, ашық және адал сайлау өткізудің маңыздылығын атап өтті.

— Партия штабының ашылуы – партияның халықтық, елдік партия екенінің тағы бір дәлелі. Мұнда біз тек сайлауалды бағдарламамыздың үгіт-насихат жұмыстарымен ғана емес, бұрынғысынша халықты қабылдау, ұсыныс-пікірлерін тыңдау жұмыстарымен айналысамыз. Біржақты жұмыспен шектелмейтін боламыз, — деді штаб төрағасы.

«Елдің мәселесін білмек болсаң — ел ішіне бар» деген сөз бар. Өйткені, халықпен тілдеспей, олардың сөзіне құлақ қоймай, тиісті нәтиже шығармай ел ішінде қолайлы жағдай туындамайды. Ел президенті Қасым-Жомарт Тоқаев биылғы Жолдауында «Біз азаматтарымыздың лайықты өмір сүруіне жағдай жасауға, олардың құқықтарын қорғауға, заң үстемдігін қамтамасыз етуге, жемқорлыққа қарсы күресті күшейтуге міндеттіміз», — деген болатын. Президенттің бұл сөзін қуаттай түсіп, біріге қарекет еткенде ғана елдегі қиын-қыстау сәттерге қарамастан өркендеу болады. 

Халық қалаулысы болуға үміттенген, ел сеніп, үміт артқан «Nur Otan» партиясының өкілдері елмен кездесіп, олардың көкейкесті мәселелеріне құлақ түруде. Кездесудің мақсаты – елге «Nur Otan» партиясының ел өркендеуі үшін, қанат жайып, ілгерілеуі үшін жасап жатқан жүйелі жұмысын түсіндіру.  Осы мақсатта Сарқан   аудандық мәслихат депутаттығына үміткер О.Ракитянская  Сарқан гуманитарлық колледжінің ұстаздарымен кездесу өткізді. Кездесу барысында  «Nur Otan» партиясының сайлауалды бағдарламасын  түсіндірді, сонымен қатар ұстаздар тарапынан қойылған сұрақтарға жауап берді.

«Nur Otan» партиясының үгіт-насихат жұмыстарының бастау алуына байланысты Сарқан аудандық «Jas Otan» жастар қанаты «Қазақстан үшін дауыс бер» атты флеш-мобын өткізді. Бұл шараға қаладағы оқу орындарында білім алып жатқан шәкірттер қатысты. Еліміздің болашағы жастар осылайша батыс пен шығыстың би үлгілерінен құралған композиция арқылы елімізде өткелі жатқан саяси науқанды қызу қолдап, белсенді болатындықтарын жеткізді.

Аудан жастары орталық кітапханада Қазақстанның тәуелсіздік жылдарындағы қол жеткізген жетістігі жайында «Біздің болашағымыз» тақырыбында аға буын өкілдерімен кездесу өткізді. Кездесу барысында аға буын өкілдері жастарға Отанын құрметтеп, үлкендерді сыйлау қажеттігін айтты.

Партияның сайлауалды бағдарламасын түсіндіру бойынша «Сұлтан» ЖШС-нің еңбек ұжымымен өмірлік тәжірибелері мол сенімді өкілдер Жамал Құлахметова мен Күлшарбан Қалиева кездесу өткізіп, алда келе жатқан саяси додаға толық қатысып, азаматтық ұстанымдарын білдіріп, белсенді болуға шақырды. -«Nur Otan» партиясы – халықтық партия. Ел ертеңіне бейжай қарай алмайтын партия,-деген сенімді өкілдер ‘NurOtan’ партиясының сайлауалды бағдарламасында көрсетілген 7 басты басымдық бойынша үгіт-насихат жұмыстарын жүргізді.

Сарқан аудандық мәслихат депутаттығына үміткер Ж.Доланбаева «Есіктен есікке» акциясы аясында Алмалы ауылының тұрғындарымен кездесу өткізді. Елдімекен азаматтарымен кездесуде үміткер партияның сайлауалды бағдарламасын, жобалары мен бағыттарын түсіндірді.

Сарқан ауданындық мәслихат депутаттығына үміткер Д.Арынбекова Сарқан политехникалық колледжінің ұстаздарымен кездесу өткізді. Кездесу барысында Динара Серікқызы «Nur Otan» партиясының сайлауалды бағдарламасын түсіндірді, сонымен қатар ұстаздар тарапынан қойылған сұрақтарға жауап берді.

Сарқан аудандық мәслихат депутаттығына үміткер Т.Догоманов  «Есіктен есікке» акциясы аясында Алмалы ауылының тұрғындарымен кездесу өткізіп қайтты. Кездесуде үміткер партияның сайлауалды бағдарламасын түсіндіріп, тұрғындардың талап-тілектерін, мұң-мұқтаждарын мұқият тыңдап, алдағы сайлауда еліміздегі басты партия «NurOtan»-ға дауыс беруге шақырды.

«Аманбөктер» бастауыш партия ұйымында Желтоқсан мейрамы қарсаңында «Партияға қабылдау Елбасының қатысуымен өткен БҰҰ Съезінде басталған «Мен партияға қосыламын» челленджін қолдау аясында партияға жаңадан қабылданған азаматтар мен азаматшаларға партиялық билеттерін табыстады.

Ал облыстық мәслихат депутаттығына үміткер Руслан Қожасбаев онлайн форматта Сарқан ауданының жастарымен ZOOM платформасы арқылы кездесу өткізді. Кездесу барысында өңірлік сайлауалды бағдарламасын және «Nur Otan» партиясының жетістіктері туралы айтып өтіп, жастардан түскен өтініш-тілектерді тыңдады. Жастар тарапынан түскен бірқатар мәселелерді көкейіне түйіп, бірге талқылады.

Аудандық мәслихат депутаттығына үміткер Жомарт Игіман мүмкіндігі шектеулі жандармен және жастармен «Nur Otan» партиясының сайлауалды бағдарламасын түсіндіру бойынша кездесу өткізді. Ашық әңгіме барысында сұрақ-жауап алмасып, алдағы атқарылатын жұмыстар сарапқа салынды.

Аудандық мәслихат депутаттығына үміткер Ермек Алинов Балалар мен жасөспірімдер спорт мектебінің еңбек ұжымымен кездесу өткізді. Кездесу барысында партияның сайлауалды бағдарламасы насихатталды.

Аудандық мәслихат депутаттығына үміткер Жомарт Игіман «Жетісу» сауда үйінің ұжымымен кездесу өткізді. Кездесу барысында партияның сайлауалды бағдарламасы насихатталды.

Облыстық мәслихат депутаттығына үміткер Аслан Абдрахманов «Есіктен есікке» акциясы аясында тұрғындармен кездесу өткізді. Кездесуде үміткер партияның сайлауалды бағдарламасын түсіндірді.

«Nur Otan» партиясы Сарқан аудандық филиалы төрағасының бірінші орынбасары Аслан Кубентаев онлайн қабылдау жасап, алдағы келе жатқан саяси науқан туралы айтып, әрбір тұрғынға өз таңдауын жасап, белсенділік танытып, саяси  көзқарастарын білдіріп, азаматтық ұстанымдарын жеткізуге шақырды.

Аудандық мәслихат депутаттығына үміткерлер «Сарқан» сауда үйінің ұжымымен кездесу өткізді. Кездесу барысында кандидат сауда үйі қызметкерлеріне үгіт-насихат жүргізіп, партияның сайлауалды бағдарламасын насихаттады.

«Біз де жас болғанбыз» тақырыбында онлайн форматта желтоқсаншылардың жастармен онлайн кездесуі өтті. Сол кезеңдегі саяси жүйеге қасқайып қарсы тұрған аға буын өкілдері жас буынға өмірлік тәжірибелерімен бөлісіп, өзіндік көзқарастарын қалыптастыруға ықпал етті.

Студенттік жастар жетекшілері арасында «Мамандығым мақтанышым» тақырыбында дөңгелек үстел өткізілді. Іс-шараны белсенді студент жастар жүргізді. Отырыс барысында сөз алғандар мамандық таңдау ең маңызды қадам болғандықтан, өмірден өз орнын табуына ықпал ететіндігі туралы жеткізді.

Барлық деңгейдегі мәслихат депутаттары және кандидаттар «Есіктен есікке» акциясы барысында үйлерді аралап үгіт-насихат жүргізді. Акция аясында сенімді өкілдер тұрғындардың ұсыныс-пікірлерін тыңдап,  еліміздің өркендеп дамуына үлес қосып келе жатқан “Nur Otan” партиясына дауыс беруге шақырды.

Өз тілшіміз.