Энергетикалық қауіпсіздік – қазіргі әлемдегі ең маңызды мәселелердің бірі. Әр мемлекеттің тұрақты дамуы мен экономикалық өсуі энергия ресурстарымен тікелей байланысты. Сондықтан энергетикалық қауіпсіздік дегеніміз – елдің энергия көздеріне тұрақты қолжетімділігі мен энергия ресурстарын қауіпсіз және тиімді пайдалану мүмкіндігі.

Энергетикалық қауіпсіздіктің басты мақсаты – мемлекетті энергия тапшылығынан қорғау, сыртқы тәуелділікті азайту және халықты үздіксіз энергиямен қамтамасыз ету. Энергетикалық қауіпсіздікке әсер ететін факторлар өте көп. Мысалы, табиғи ресурстардың таусылуы, энергия бағасының өсуі, геосаяси дағдарыстар, табиғи апаттар және кибершабуылдар.

Қазіргі таңда әлем елдері энергетикалық қауіпсіздікті қамтамасыз ету үшін түрлі шаралар қолданып жатыр. Ең маңызды бағыттардың бірі – балама және жаңартылатын энергия көздерін дамыту. Бұл күн энергиясы, жел энергиясы, су энергиясы және биомасса арқылы энергия өндіруді қамтиды. Сонымен қатар энергияны үнемдеу және тиімді пайдалану да үлкен рөл атқарады.

Қорытындылай келе, энергетикалық қауіпсіздік – әр елдің тәуелсіздігі мен тұрақты дамуының кепілі. Ол үшін энергия көздерін әртараптандыру, жаңартылатын энергияны дамыту және энергия тиімділігін арттыру маңызды. Болашақ энергиясы – қауіпсіз әрі экологиялық таза энергия болуға тиіс.

К. ҚАЛИЕВА,

аудандық Аналар кеңесінің төрайымы.