Адам деген қызық. Кейде әлеуметтік желідегі дабыра- дақпыртқа еріп, қажеттіліктен ту­ындап отырған вакцинаның пай­дасын жоққа шығарып жүргендер, өкінішке орай, арамызда бар. Менің пайымдауымша екпе алмағандар өз денсаулығына және жақындарының, әсіресе қарт адамдардың денсаулығына қауіп төндіріп отырғандығын түсінбейтін сияқты. Вирусологтар тұрғындардың екпе алу арқылы ғана коронавирустың мутациясына кедергі келтіретінін жалықпай жа­зудайын жазып, айтудайын айтып келеді.

Мен адамдарды жаппай вакциналаудың дұрыстығын ерте­рек түсіндім. Және отбасымызбен алғашқылардың қатарында вак­цина салдырдық. Өйткені қатерлі дертті қоғам болып жеңуіміз ке­рек. Мен білетін өз еркімен екпе салдырғандардың арасында індет жұқтырғандар жоққа тән. Екпе-ең алдымен өзіңнің қауіпсіздігің үшін қажет. Содан кейін айналаңдағы адамдардың қауіпсіздігі үшін де жа­уапты екендігіңді ешқашан естен шығармауың керек. Сондықтан осы кезге дейін жүрексініп, өз үрейін жеңе алмағандарға екпе алуға кеңес беремін. Эпидахуал­ды ушықтырмау үшін иммундық қорғанысты айтарлықтай күшейтетін және дертті қайта жұқтырудан мейілінше қорғайтын екпені жаппай алғанда ғана шектеу шаралары алынып тасталынатын болады.

Қадыр АБДРАХМАНОВ,

Сарқан ауданының Құрметті азаматы.