Өткен сенбі күні жерлесіміз, атақты хирург дәрігер Нұрлан Мұхтарұлы Арын ауданымызға  арнайы келіп, аудан тұрғындарына көмек беру мақсатында төрт науқасқа күрделі отаны тегін жасады. Сондай-ақ, ол сарқандық жас хирургтерге мастер-класс көрсетіп, осы саладағы ұзақ жылғы тәжірибесімен бөлісті.

Орайы келгенде жыл басынан бері Нұрлан Мұхтарұлының демеушілігімен 23 ота жасалынып, барлығы сәтті өткенін айта кетуіміз керек. Бақалыдан түлеп ұшып, есімі елге танымал болған әкесі Мұхтар Арынның өнегесімен Нұрлан Мұхтарұлы жерлестеріне көмектесуге әрдайым дайын.

Өз тілшіміз.