Жуырда Сарқан аудандық мәдениет үйінің кіші залында ҚР Президенттігіне кандидат Қасым-Жомарт Тоқаевтың Сарқан аудандық штабының өкілдері ерекше күтім қажет ететін азаматтармен насихаттық бағытта кездесу өткізді.
Кездесуде Сарқан аудандық қоғамдық штаб төрағасы Аслан Кубентаев ҚР-ның Президенттігіне кандидат Қасым-Жомарт Тоқаевтың САБАҚТАСТЫҚ, ӘДІЛДІК, ӨРЛЕУ атты сайлауалды бағдарламасының үш негізгі бағытына тоқталып өтсе, аудандық штаб төрағасының орынбасары Жалел Сасанбаев, аудандық мәслихаттың депутаты Жомарт Игіман сөз алып, ҚР Президенттігіне үміткер Қ.К.Тоқаевтың ел дамуы үшін қосқан үлестері туралы баяндап, сайлауға бір адамдай қатысуға шақырды.
Жиынға қатысушылар атынан пікір білдірген Сарқан ауданының Құрметті азаматы Болат Рахметқалиев Қасым-Жомарт Тоқаевтың дипломаттық, азаматтық қасиет-қабілеттерін өз сөзіне арқау етті.
Өз тілшіміз.
