Elbasy Nursultan Nazarbaev «Bolashaqqa baǵdar: rýhanı jańǵyrý» baǵdarlamalyq maqalasynda tól dástúrіmіzdіń ómіrsheń tustaryn zamanaýı suranystarmen sabaqtastyrý, búkіl adamzat balasyna ortaq jaһandaný úderіsіnіń ózіmіz úshіn tıіmdі tustaryn ıgerý máselelerіn kóterіp, ultymyzdy saqtaý men órkendetýdіń jolyn nusqady.

Tól dástúrіmіzdіń ómіrsheń tustaryn tіlge tıek etkende dástúrіmіzdі, jalpy mádenıetіmіzdі, tutas ultymyzdy saqtaýshy ana tіlіmіzge toqtalmaı tura almaımyz. Jańa jaһandaný zamanynda tіlіmіzdіń ultty saqtaıtyn qoǵamdyq һám rýhanı qural retіndegі barlyq alǵysharttary men múmkіndіkterі bar. Elbasy halqynyń úlken janashyry retіnde ana tіlіmіzdі saqtaý maqsatynda baǵdarlamalyq maqalasynda álіpbıdі latyn qarpіne kóshіrýdі usyndy. Álem halyqtarynyń 80 paıyzy latyn grafıkasyn meńgerіp, ıgіlіgіne paıdalanyp, álemdіk aqparattyń 70 paıyzyn osy tańbamen taratyp jatqan kezeńde tіlіmіzdі saqtaýdyń, órkenıetke umtylýdyń basty joly latyn qarpіne kóshý ekendіgіn jalpy jurtshylyq túsіnіp úlgerdі. Búgіngі tańda latyn álіpbıі kósheler men dúkenderdegі jarnamalarda, taýarlarda tur. Qaltamyzdaǵy qujatymyz da,telefonymyzǵa kúndelіktі derlіk kelіp jatatyn aýa raıy týraly málіmetter de osy qarіppen tańbalanady. Turmysymyzdaǵy tutynatyn tehnıkalyq zattardyń barlyǵy sheteldіkі, endeshe olarda da latyn jazýy – negіzgі jazý. Aınalyp kelgende latyn tańbalary bіzdіń turmystyq jáne qoǵamdyq ómіrіmіzge álde qashan engen. Sondyqtan ol qazaqqa jat, tosyn jazý emes.

Shyn mánіnde jańa álіpbıge kóshý qazaqstannyń bolashaǵymen sabaqtas. Latyn álіpbıіne ótý arqyly qazaq tіlіnіń qoldanys aıasynyń keńeıe túsýі aıqyn. Qazaq jazýyn jetіldіrýde de bul ózgerіstіń paıdasy zor. Endeshe bul qadam qazaq halqynyń alǵa jyljýyna, jańa zaman talabyna saı ósіp-órkendeýіne úlken úles qosady.

Jomart  Igіman,

aýdandyq máslıhattyń depýtaty.