2024 жылдың 26 қыркүйегінде Құман Тастанбеков атындағы аудандық мәдениет үйінде «Мамандығым менің мақтанышым» тақырыбындағы дөңгелек үстел болып өтті.

Еңбек күніне орайластырылған шараның мақсаты қатысушылардың пікірталас арқылы мамандыққа бағытталған сұрақтарына жауаптар алу, мамандықтың қыр-сырын терең меңгеру.

Мамандық таңдау – адам өміріндегі ең маңызды қадамдардың бірі. Өйткені біз өзіміз таңдаған мамандық саласында өмір бойы қызмет атқарамыз.

Қазақстан Республикасының болашағы, сыртқы саяси және сыртқы экономикалық қызметіндегі басымдықтары мен ұлттық мүдделерінің жүзеге асырылуы, халықаралық аренадағы беделінің өсуі, ұлттық қауіпсіздігінің қамтамасыз етілуі, мемлекет алдындағы жоғарғы азаматтық жауапкершілікке ие мамандарға байланысты екені даусыз.