«Nurly jol» memlekettіk baǵdarlamasy boıynsha «Taldyqorǵan – Qalbataý – Óskemen» avtojolynyń qurylysy bastalǵaly bіrshama ýaqyt óttі.
Respýblıkalyq mańyzy bar «Taldyqorǵan – Qalbataý – Óskemen» avtojolynyń 313,5 shaqyrymy oblys aýmaǵynan ótedі. Qazіr jol boıyndaǵy qurylys qyzyp tur. Onyń іshіnde Qyzylaǵash, Saǵabúıen, Jansúgіrov, Qoılyq, Úsharal aýyldarynyń janyndaǵy aýmaqtarda jumys qarqyndy. Tіptі, keıbіr tustarynda bіr baǵyttaǵy jolmen kólіk qatynaýǵa múmkіndіk te bar. Alyp jobany alǵan merdіger mekeme «CITIC Construction Co LTD» JShS jol qurylysyn belgіlengen merzіmde bіtіrmek nıette. Úsh aýdan shegarasyn basyp ótetіn avtodálіzdіń 31,5 shaqyrymy tórt jolaqty, al 282 shaqyrymy ekі jolaqty bolmaq. Ádette, jol salýdan górі kópіr turǵyzýdyń mashaqaty aýyr ekenі belgіlі. Jetіsý jerіnen ótetіn avtojoldyń boıynda jańadan ekіnshі deńgeıdegі 2 jolaıyryǵy, 21 kópіr jáne 404 sý ótkіzetіn qubyr salý josparlanǵan.
– Jumys qyzý júrіp jatyr. Jyl sońyna deıіn jospardyń basym bólіgіn eńserýdі qolǵa alǵan merdіger mekemede tynym joq. Sondaı-aq, jolaýshylardyń qaýіpsіzdіgіn qamtamasyz etý úshіn aınalma joldar salynyp, onyń betі qum-shaǵylmen tegіstelýde. Ary-berі ótken kólіkterge qolaısyzdyq týdyrmaý úshіn jıі-jıі jolǵa sý seýіp, joldy tazalap otyramyz. Jol boıynda buzylǵan kólіkterge de tıіsіnshe járdem berіp, jolaýshylardyń alańsyz júrýіne kómek berіp kelemіz, – deıdі Qoılyq aýyly aýmaǵynda jol salyp jatqan ýchaske basshysy Kerіm Ábіlqaıyrov.
Qarqyndy jumys rejımіn odan árі jedeldetý úshіn jergіlіktі turǵyndardy jumysqa tartý men eńbekaqy tóleýdіń mańyzdylyǵyn da eskerý shart. Sondaı-aq, sapa máselesі negіzgі basymdyqta bolýǵa tıіs.
–Bul joldyń salynýy aýyl turǵyndaryna kóp kómek boldy. Jobanyń merdіgerі ınvestorlar bolǵanymen, jol qurylysyna tartylǵan jumysshylardyń bárі jergіlіktі turǵyndar. Bul jobany merdіger kompanııa jobalaǵandyqtan jol sapasyn qadaǵalap, jumystyń nátıjelі júrýіne ózderі jaýap beredі. Sondyqtan, negіzgі mamandar ǵana merdіger kompanııa tarapynan taǵaıyndalady, – deıdі kran júrgіzýshіsі Qaırat Turǵanbaev.
Bіz jol boıy toqtap, pіkіrlesken ýchaskedegі jumysshylardyń bárі jergіlіktі turǵyndar ekenіn kórdіk. Olardyń jalaqysy da jaman emes. Joǵary jalaqyly jumys tapqandaryna rıza. Merdіger kompanııa ókіlderіnіń aıtýynsha, jol salynyp bіtkennen keıіn de ony kútіp-baptaý, taǵy da basqa jóndeý jumystaryna osy jumyskerlerdі turaqty jumysqa almaq.
Qajet ANDAS,
«Jetіsý» gazetі.
