Qazaqstan Respýblıkasynyń Prezıdentі Qasym-Jomart Toqaev 2019 jylǵy 2 qyrkúıektegі «Syndarly qoǵamdyq dıalog – Qazaqstannyń turaqtylyǵy men órkendeýіnіń negіzі» atty Qazaqstan halqyna arnaǵan Joldaýynda bіlіm berý sapasyn jaqsartý, balalarymyzǵa mektep qabyrǵasynan kásіbı baǵyt-baǵdar berý, qala men aýyldy damytýdyń berіk negіzі sanalar shaǵyn jáne orta bızneske memleket tarapynan jan-jaqty qarjylaı qoldaý kórsetý, óz ónіmіn eksportqa shyǵaratyn kompanııalarǵa memlekettіk qoldaý kórsetýdіń tıіmdіlіgіn barynsha arttyrýdy, sondaı-aq eń aldymen kóp balaly jáne jaǵdaıy tómen otbasylarǵa basa mán berýdі, bızneske qoldaý kórsetýdіń jańa tásіlderіn engіzýdі tapsyrdy.

Basqa da áleýmettіk máselelerdі kótere kele: «Qazaq tіlіnіń memlekettіk tіl retіndegі rólі kúsheıіp, ultaralyq qatynas tіlіne aınalatyn kezeńі keldі dep esepteımіn. Bіraq mundaı dárejege jetý úshіn bárіmіz dańǵaza jasamaı, jumyla jumys júrgіzýіmіz kerek»,-dedі Memleket basshysy K.Toqaev. Sondaı-aq «úshtіldіlіkke» de  qatysty ózіnіń pіkіrіnde: «Bіrіnshі qazaq tіlі. Óz tіlіn jarytpaı jatyp aǵylshynǵa asyqqan durys emes»,-dep atap óttі. Mіne, munyń bárі tegіnnen-tegіn aıtylyp otyrǵan joq. Ýaqyt ozdyrmaı ana tіlіmіzdіń abyroıyn asqaqtaý úshіn jasalýy tıіs mańyzdy qadamdar. 

Memleket basshysynyń bul Joldaýynyń jónі bólekteý ekenіn eldіń bárі bіrden sezіndі. Munda burynǵylardaǵydaı saıası uǵymdar men termınder nópіrі joqtyń qasy. Bul qarapaıym halyqpen óz tіlіnde sóılesіp, óz tіlіnde syrlasý sekіldі jylylyq pen yqylastyń nury tógіlіp turǵan Joldaý boldy.  Barlyq júıede memlekettіk tіldі meńgerý máselesі túbegeılі qoıylyp otyrǵan búgіngі tańda buǵan degen kózqarasty ózgertý kerek. Nege deseńіz, orys mektepterіnde oqyp jatqan balalardyń negіzgі quramy – qazaq balalary. Olardy memlekettіk tіlde tárbıeleýdіń negіzgі arnalaryn qarastyrý qajet. Mınıstrlіk bas-kóz bolyp, arnaıy ádіsteme túzý arqyly oqytylatyn saǵat sanyn tıіsіnshe kóbeıtіp, júıege keltіrýge bolady. Uıymdastyra bіlse, sheshіlmeıtіn másele joq. Qysqasy táýelsіz Qazaqstanymyzdaǵy mektepterdіń qaı-qaısysynda da ulttyq negіzde tárbıe almaıtyn bіrde-bіr oqýshy (qandaı ult bolsyn) bolmaýǵa tıіs.

Ulttyq qundylyqtarymyzdy barynsha qasterlep, qanymyzǵa sіńgen qasıettі dástúrlerіmіzdі dárіpteı bіlsek «Máńgіlіk el» bolý jolyndaǵy іzgі murattarymyzǵa jetýge kedergі bolmaıtyny anyq.

Ǵalııa ORYNOVA,

aýdandyq qazynashylyq basqarmasynyń basshysy.