Сарқан қаласындағы «Сарқан жеміс консервілеу зауыты» алма, өрік, апельсиннен тосап шығаруды қолға алды. Жұмысын 2018 жылы бастаған зауыт, бүгінгі таңда өнім түрлерін көбейтіп оның санын 15-ке жеткізген.

Тамыз айында жұмыстары қарқын алатын кәсіпорын күніне 120 тоннаға дейін сусын шығаруға қауқарлы. Зауыттағы барлық қондырғылар Ресей, Қытай елінен әкелінген.

Бүгінгі таңда зауыт басшылығы бірнеше өнім түрлерін сынамадан өткізді.

-ешқандай қоспасыз алмадан дайындалған тосап сатылымға «SIVERS» джем брендімен шығарылады,- деді зауыт басшысы Ринат Калиуллин.

алдағы уақытта зауыт алманың жергілікті сорттарынан шыққан тосап, сусындарын танымал ететін ерекше дәм жасап, табиғи артықшылықтары бар өнім ретінде тұтынушыларға ұсынуға ниетті.

Сарқан-Ақпарат.