Сыбайлас жемқорлыққа қарсы үгіт-насихат жұмыстары

Сыбайлас жемқорлыққа қарсы тиімді саясаттың маңызды элементтерінің бірі – бұл кешенді ақпараттық-түсіндіру жұмыстары болып табылады. Сол себепті, Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Алматы облысы бойынша департаменті және “Жетісу – адалдық алаңы” жобалық кеңсе менеджерлерінің ұйымдастыруымен “Сыбайлас жемқорлықты – бірге жеңеміз!” атты акциясы өтуде.

Бұл акцияның мақсаты облыс тұрғындары арасында әділдік, парасаттылыққа және адалдық қағидаларына шақыру болып табылады. Осыған байланысты, облыстың әр аймағына 20 000-нан астам ақпараттық үгіт-насихат парақшалары таратылды.

Мәселен, Талдықорған қаласындағы 28 мектеп, 10 балабақша, 8 жалпы орта білім беру мекемелеріне, қоғамдық көліктерге және көп қабатты тұрғын үйлерге 1000-нан астамы жабыстырылды.

Ескере кетейік, егер сізге сыбайлас жемқорлық фактілері туралы белгілі болса, сіз 1424 call-орталығына 24/7 режимінде хабарласа аласыз.

Мәліметпен бөлісу: