Қазақстан Республикасы Бәсекелестікті қорғау және дамыту агенттігінің Жетісу облысы бойынша департаменті 2022-2024 жылдар кезеңінде Талдықорған қаласының географиялық шекараларында мектепке дейінгі және орта білім беру саласындағы қызметтер нарығындағы бәсекелестік ортаның жай-күйіне жоспарлы талдауды аяқтады.
Талдаудың мақсаты — бәсекелестіктің даму деңгейін анықтау, үстем немесе монополиялық жағдайға ие шаруашылық жүргізуші субъектілерді анықтау, сондай-ақ үстем жағдайды теріс пайдалануды қоса алғанда, монополияға қарсы заңнаманы ықтимал бұзу белгілерін анықтау.
Талдау қорытындысына сәйкес, Талдықорған қаласының географиялық шекараларында мектепке дейінгі және орта білім беру қызметтерінің нарығы жоғары шоғырланған (I тип) болып табылады. Аталған тауар нарығындағы бәсекелестік дамымаған.