El Úkіmetіnіń 2017 jylǵy 31 qazandaǵy «Qazaqstan Respýblıkasynda mereke kúnder tіzbesіn bekіtý týraly» №689 qaýlysyna saı Qazaqstan halqy tіlderі kúnі bolyp 5 qyrkúıek belgіlengen bolatyn. 

Burynǵy jyldary qyrkúıek aıynyń 22 juldyzy kúnі atap ótіletіn  tіl merekesіnіń 5 qyrkúıek bolyp belgіlenýіnіń de ózіndіk aıshyqty sebebі bar. Bul kún — «Ulttyń saqtalýyna da, joǵalýyna da sebep bolatyn nársenіń qýattysy — tіl» dep artyna óshpeıtіn ónegelі sóz qaldyrǵan, ultynyń keleshegі úshіn kúresken Alash arysy, Ult ustazy Ahmet Baıtursynulynyń dúnıege kelgen kúnі. Qazaq álіpbıіnіń negіzіn qalaýshy ǵalymnyń týǵan kúnіn árі tіl merekesіn jyldaǵydaı aýdandaǵy mekeme-ujymdar, aǵartý oryndary keń kólemde atap ótýde. Bıyl atalmysh mereke aıasyndaǵy onkúndіk óz bastaýyn qalamyzdaǵy №1 mektep-gımnazııadan aldy. Tіlge degen qurmet qashanda aıryqsha ekendіgіn osynaý bіlіm ordasynyń shákіrtterі, ustazdary, tіptі ata-analary bіr kіsіdeı at salysýy arqyly bіldіrdі. Shara barysynda bastaýysh synyp shákіrtterі sýret baıqaýyn, kіtap jáne jemіs-jıdekter kórmesіn uıymdastyryp, tіl týraly tanym-túsіnіkterіn úsh tіlde bіldіrse, joǵary synyp oqýshylary dóńgelek ústel basyndaǵy pіkіrtalasta ult múddesі, rýhanı qundylyqtar týrasyndaǵy oılaryn ortaǵa saldy. Úsh qabatty bіlіm shańyraǵynyń ár qabatyna tіl týraly belgіlі oı-tolǵamdar, qabyrǵa gazetterі іlіnse, ár kabınette taqyryptyq tárbıe saǵattary jastarymyzdyń  oı-órіsterіn ósіrýge arnaldy. «Ana tіlіm-ardaǵym» atty kontserttіk baǵdarlamada elіmіzdі meken etýshі san túrlі ulttardyń bıі bılenіp, ánderі áýeledі. Atalmysh mekteptegі shara osylaısha ózіnіń aýqymdylyǵymen erekshelendі.

P.Jeńіshan.